Loading...
 |
नेपाली कांग्रेसकी नेतृ सुजाता कोइरालालाई सरकारले उपचारका लागि ५० लाख दिने भएकोे छ । अाइतबार बसेको मन्त्री परिषद बैठकले कोइरालाको स्तन क्यान्सरको उपचारका लागि उक्त रकम दिने निर्णय गरेको हो । सरकारकाे याे निर्णयसँगै सामाजिक सञ्जालहरूमा कडा अालाेचना शुरू भएकाे छ । उपचारका नाममा कराेडाैँकाे राज्यकाेष सिध्याएकाे भन्दै सरकारकाे कडा अालाेचना भइरहेकाे छ ।
केही समय अधि गगन थापाले स्वास्थ्य मन्त्रालय सम्हाले लगत्तै स्वास्थ्य उपचारकाे नाममा राज्यकाे काेषकाे दुरूपयाेग भएकाे भन्दै त्यसकाे सुधार गर्ने बताएका थिए । मन्त्री थापाकै सक्रिएतामा केही समयअघि संसदको अर्थ समितिले समेत कार्यबिधि नबनाई मनपरी उपचार खर्च नबाँड्न सरकारालाई निर्देशन दिएको थियो । कार्यविधिमा यसअघि नै अति विशिष्टलाई बढीमा १५ लाख र विभिन्न क्षेत्रमा महत्वपूर्ण योगदान पुर्याएका व्यक्तिलाई ५ लाखसम्म उपचार खर्च उपलब्ध गराउने व्यवस्था रहेकामा ‘खर्च थप गर्न सक्ने’ प्रावधानका कारण राज्यकोष दुरुपयोग हुँदै आएको थियो । संशोधित कार्यविधि पारित भएपछि तोकिएभन्दा बढी खर्च थप गर्ने बाटो बन्द हुनेछ । तर त्यसको ब्यवास्ता गर्दै उक्त कार्यबिधी पारित हुन नदिइ सरकारले कोइरालालाई मोटो रकम उपलब्ध गराउने निर्णय गरेको छ । जुन निर्णयमा गगन थापाले असहमति जनाएकाे र उक्त निर्णाय भएकाे अाइतबारकाे बैठकमा स्वास्थ्य मन्त्री थापा नै अनुपस्थित भएकाे भन्ने खबर बाहिर अाएकाे छ । यसका साथै मन्त्री थापाकाे सचिवालयले समेत उक्त निर्णयमा मन्त्री थापाकाे सहमति र संलग्नता नरहेकाे जनाएकाे छ ।
सरकारले उपचारकाे नाममा भिअाइपीहरूलार्इ
माेटाे रकम उपलब्ध गराउँदै अाएकाे छ । अाम जनताले सिटामाेल, र सुदुरका जनताले जीवनजल नपाएर मर्छन् तर नेताहरूले भने बिदेशमा उपचार गर्ने नाममा कराेडाैँ रकम लिने गरेका छन् । तपार्इँ हामीले बुझाएकाे कर राज्यकाेषबाट सरकारले यसरी नेताहरूलार्इ बाँड्ने गरेकाे छ । अहिलेसम्म दर्जनाैँ नेताहरूले सरकारकाे राज्यकाेषबाट कराेडाैँ रकम लिइसकेका छन् । सबैभन्दा धेरै नेपाली कांग्रेसका सभापति एव पूर्वप्रधानमन्त्री स्व. शुसिल काेइरालाले उपचारका लागि राज्यकाेषकाे ढुकुटी रित्याएका छन् । त्यस्तै एमाले अध्यक्ष केपी शर्मा अाेलीले पनि एक कराेड बढी रकम उपचारका लागि लिएका छन् ।
शुसिल काेइराला, केपी अाेली र अहिले सुजाता काेइरालाले मात्र हाेइन धेरै भिअाइपीहरूले राज्यकाेषकाट उपचारका लागि कराेडाैँ रकम लिएका छन् । हेराैँ कस्ले कति रकम लियाे –
१) पूर्वप्रधानमन्त्री स्व सुशील कोइराला– १ करोड ९१ लाख ८१ हजार ३ सय ७३
२) पूर्वप्रधानमन्त्री केपी ओली– १ करोड २६ लाख ३५ हजार १ सय ३७
३) पूर्वराष्ट्रपति रामवरण यादव- ६० लाख
४) पूर्वप्रधानन्यायाधीश रामकुमारप्रसाद साह– ५० लाख ३९ हजार १ सय ७
५) पूर्वपरराष्ट्रमन्त्री चक्रप्रसाद बाँस्तोला– ५० लाख
६) पूर्वउपप्रधानमन्त्री सुजाता कोइराला– ५० लाख
७) माओवादी नेता नारायणकाजी श्रेष्ठ- ३८ लाख
८) पूर्वसांसद स्व रामनाथ ढकाल– ३२ लाख १८ हजार ४ सय २१
९) पूर्वगृहमन्त्री गोविन्दराज जोशी– २७ लाख ८० हजार
१०) पूर्वप्रधानमन्त्री तुलसी गिरी– २५ लाख
११) पूर्वउपसभामुख पूर्णकुमारी सुवेदी– २५ लाख
१२) कांग्रेस नेता खुमबहादुर खड्का- २० लाख
१३) पूर्वपरराष्ट्रमन्त्री स्व साहना प्रधान– १३ लाख ६४ हजार ३ सय ६५
१४) पूर्वराज्यमन्त्री महेन्द्र यादव ७ लाख ८८ हजार १ सय ६५
१५) पूर्वप्रधानमन्त्री लोकेन्द्रबहादुर चन्द ५ लाख
About Admin
0 comments:
Post a Comment